CAGAYAN DE ORO CITY – Gibarugan sa Commission on Elections nga walay dayag nga ebedensiya nga dunay natigayong pagpanikas Northern Mindanao sa miaging May 9 nga piliay.
Kini bisan sa gipamugos sa pipila ka pildirong mga kandidato sa nagkadiayang posisyon nga ilang gidaganan sa milabay’ng semana.
Gibutyag ni Comelec 10 Director Atty Francisco Pobe Jr nga pamatu-od niini ang pagtakdo sa halos resulta gikan sa mga probinsya ug sa data nga kamulo nang hagpat sa national board of canvassers sa kauluhan.
Samtang gihagit ni Citizens Watch for Good Governance convenor Atty Antonio Soriano ang mga pundok nga namugos nga dunay tikas sa piliay nga magbaton sa ebedensiya aron magamit sa ilang pagduso’g reklamo sa Comelec.
Kini inay nga kutob ra sa pasumbingay nga gitikasan apan kulang sa basehan.
Gihimo ni Soriano ang hagit bisan kon kabahin siya sa mga saski nga dunay lapad nga vote buying sa pipila ka kandidato ngadto sa mga botante nga nagbaligya sa ilang mga boto.
