CAGAYAN DE ORO CITY – Trabaho sa Commission on Elections o Comelec nga masiguro nga masunod ang Omnibus Election Code rason nga ensakto lamang ang gihimong lakang imbestigaran ang isyu sa pagsaka sa mga botante sa Brgy Carmen ning syudad.
Kini ang reaksyon ni kanhi City Mayor Oscar Moreno kabahin sa gipamugos sa kampo sa city hall nga angay basuhon ang Comelec sa gisagubang nga suliran sa Carmen ning syudad.
Miingon si Moreno nga dili kini mobuto nga problema kon wala pa mosaad si City Mayor Rolando ‘Klarex’ Uy nga padak-an ang madawat sa mga tawo nga moparehistro ug mobotar sa sunod eleksyon ning syudad.
Wala nauyuni sa kampo ni Klarex ang sulti ni Comelec chairman George Garcia nga posibleng kasuhan ug ma-disqualify pagdagan pagka-kongresista si Carmen Punong Brgy Kikang Uy.
Kini tungod sa isyu sa issuance sa mga sertipikasyon sa mga bag-ong botante gikan sa nagkadaiyang bahin sa syudad ug Misamis Oriental.
