CAGAYAN DE ORO CITY – Ubos na sa control sa Commission on Elections o Comelec ang tanang mga kalihukan may kalabutan sa taliabot nga piliay sa nasud sugod kaganihang kadlawon.
Epekto kini sa pagsugod na sa election period diin nakasukip ang istrikto nga pagpatuman sa mga balaod kabahin sa nagsingabot nga piliay sa Mayo 12 ning tuiga.
Miingon si Comelec-Misamis Oriental head Atty Carlito Ravelo nga tipik sa pinakaunang nila nga gibuhat ang pagmuntar sa road checkpoints aron santaon ang mga posibleng pagpalusot sa kontrabando.
Siya miingon nga sulod sa election period, mo-epekto na usab ang gun ban.
Nagpasabot nga kutob sa walay Comelec exemption nga gun holders ang dakpon ug kasuhan sa korte.
