CAGAYAN DE ORO CITY – Wala sa trabaho sa Commission on Elections o Comelec nga sila ang mohimo’g moto propio sa investigation batok sa isyu sa grabeng pagsaka sa mga bag-ong bontate sa Brgy Carmen ning syudad.
Kini ang kabahi sa gisubmitar nga tubag sa kampo ni Carmen Punong Brgy Kikang Uy batok sa petition for disqualification case nga gipasaka sa Comelec kaniya aron dili na makadagan pagka-kongresista sa distrito uno sa 2025 elections.
Miingon si Atty Angie Carrasco-Geneso nga klaro sa Omnibus Election Code nga political party o botante sa lugar ang angay makahimo’g pagkaso ug dili ang Comelec kabahin sa maong isyu.
Kini ang rason nga gihagit nila ang Comelec nga hataga’g gimbug-aton ang naduso nila nga mga ebedensiya aron imatood nga wala mag-abuso sa gahom si Kikang sa milabay’ng registration period sa maong brgy.
