CAGAYAN DE ORO CITY-Ibalik na sa Commission on Elections o Comelec ang voters registration alang sa mga gusto magpa-rehistro aron makabutar sa umaabot
brgy ug SK election sa Mayo 14,2018.
Miingon si City Election Officer Atty Ramil Acol nga dili una sila modawat sa mga tuyo mobalhin gikan sa laing mga lugar tungod sa kaapiki sa panahon.
Siya miingon nga limitado lamang hangtod Nobyembre 30 ang registration hinungdan nga giawhag nila ang tanan nga pahimudsan ang higayon.
Samtang giawhag sa grupong Barug Kabatan-unan Movement ang mga indibidwal nga dili na palabyon ang subli pag-abli sa voter’s registration sa Comelec sugod ugmang adlawa.
Kini aron sila makabotar sa nagsingabot nga May 14 brgy ug SK elections sunog tuig.
Miingon si Kenneth Piloton,presidente sa Barug Kabatan-unan Movement nga angay likayan sa publiko nga magdasok sa pagpa-rehistro sa hinapos nga bahin sa semana sa Nobyembre ning tuiga.
Sa miaging mga rehistro,daghang sa mga gusto magpa-rehistro sa taga- Comelec bisan nga lapad ang panahon nga sila gipahibalo na pinaagi sa media.
