Gikonsiderar sa Philippine Postal Corporation (PHLPost) ang pagpagawas sa Pope Francis commemorative stamp aron pagpasidunggan ang legasiya sa Santo Papa sa Simbahang Katoliko.
Gipadayag ni PhilPost postmaster general Luis Carlos nga nahuman na ang inisyal nga Stamp Committee meeting, ug napresentar na ang plano alang sa maong selyo.
Siya miingon nga kinahanglan nga mahimong pulido ang disenyo sa stamp sa dili pa kini maimprinta ug mapagawas sa sirkulasyon.
Kung nahinawong ang laraw sa ahensya posibleng mapagawas kining mga stamp sa Santo Papa sunod semana ug gitarget ang pag-imprinta sa 5,000 hangtod 10,000 nga kopya.
Unang napagawas sa PhilPost ang stamp ni Pope Francis, tuig 2014 ug miabot sa 90,000 ka kopya ang ilang nagama tungod kay init kining gidawat sa mga Pilipino.
