CAGAYAN DE ORO CITY – Gisuta pa sa Bureau of Fire Protection ang rason sa kalit pagkasunog sa commercial building nga may boarding house ug dunay nakasukip nga pipila ka establesemiento diha sa 12-22 Streets,Brgy Nazareth ning syudad kaganihang kadlawon.
Giila ni BFP-Nazareth investigator SFO2 Carl Vallejos ang tag-iya sa panimalay nga si Alma Smith.
Gibutyag ni Vallejos nga wala nila wad-a ang testimonya sa usa sa mga boarder nga nag-ingon nga dunay kalit nga pagsila sa linya sa koryente sa poste hinungdang milahos sa maong istraktura.
Pasiunang anaa sa 800-mil pesos ang structural damage sa maong sunog.
Kini na ang ikatulong sunog nga natigayon sulod ning semanaha diin duha niini ang gikan sa Brgy 35 nga dunay 6 anyos nga special child ang nalukong-patay sa kalayo.
