CAGAYAN DE ORO CITY – Nagpasaka’g ‘petition for certiorari’ sa korte suprema ang Iligan City Gov’t. batok na sa Commission on Audit (COA), CONAL Holdings, Mindanao Power Corporation (MPC) ingon man mga opisyal sa lungsod niadtong 2013.
Nagsumikad ang kaso sa pagbaligya sa Independent Power Plant 1 and 2 human kini gi-foreclosed sa lokal nga kagamhanan tungod sa wala pagbayad sa buhis.
Matud ni Iligan City Legal Officer Atty. Voltaire Rovira nga ilegal ang pagbaligya sa maong power plants apan gideklar kini nga legal sa COA.
Siya miingon nga ilang gipaabot sa korte suprema ang kaso tungod kay posible pang mabawi sa city government ang maong power plant.
Gani, gimanduan sa Supreme Court ang COA, CONAL HOLDINGS, MPC ug mga opisyal nga nagbaligya sa Power Plant nga magsumiter sa ilang tubag sa petisyon.
