Gitin-aw sa Prosecutors Office nga wala pa nila makita ang committee report sa senado, kalabot sa resulta sa gihimong imbestigasyon sa anomaliya sa flood control projects sa Department of Public Works and Highways (DPWH).
Namahayag si Prosecutor General Richard Anthony Fadullon nga ang Senate Blue Ribbon Committee Report bahin sa flood control scam mahimong gamiton sa DOJ ug NBI isip dugang nga giya o leads sa imbestigasyon. Apan, iya usab gitin-aw nga dili kini otomatik nga basihanan sa pagpasakag kaso.
Gipamugos sa opisyal nga kinahanglan pa nila makadawat sa opisyal nga kopya sa report aron masuta ang kapuslanan niini, ug aron ma-establishar ang lig-ong ebidensya batok sa mga nalambigit, lakip na angtolo ka malversation case ni Senador Joel Villanueva.
