ESPESYAL ang pagselebrar sa mga atleta sa Milano Cortina Winter Olympics.
Kini tungod sa usa ka semana nga kasadya sa Valentine’s sa Milano, Italia.
Sumala sa report, tungod sa kadaghan sa mga managhigugma nga atleta, dali ra nahurot ang libre nga condom nga giandam sa mga organizers.
Giangkon sa mga tigdumala nga kapin sa 10,000 ka prophylactics ang ilang gipang-apod-apod sa syudad ug kabukiran aron masiguro ang luwas nga pakighilawas.
Ang paghatag sa libre nga condom nahimo nang tradisyon sa Olympics aron mapalambo ang luwas nga relasyon sa mga kabatan-onan ug aktibong atleta nga nag-uban sa Olympic Village.
Hisayran nga wala pa gani ang adlaw sa Valentine’s, nahurot na ang stock nga gitagana unta hangtud sa sunod semana.
Sumala sa International Olympic Committee spokesman Mark Adams, kapin sa 10,000 na ang ilang na-apud ug adunay sobra sa 2,800 ka atleta nga nangayo pa.
Hinoon, ila nalang gihangyo nga sabton ug tarong ang pisikal nga pagpahungaw sa gugma.
