Gipalig-on sa House prosecution panel ang ilang kaso batok sa Bise Presidente human gipahayag ni House Prosecution Panel Spokesperson Representative Zia Alonto Adiong nga klarong adunay prima facie presumption sa sayop nga paggamit sa confidential funds.
Basi sa pahayag sa opisyal, dili discretionary fund ang maong pondo kondili usa ka conditional funding source nga kinahanglang mosunod sa gipagawas nga Joint Circular sa COA.
Subay niini, gipadayag ni Adiong nga nagpabilin ang maong presumption kay hangtod karon wala gihapon nakahatag ang opisina og mga basikong dokumento sama sa mga ticket alang sa P10-milyon nga quarterly allocation sa travel expenses.
Gumikan sa maong kapakyas sa pagsumite og mga opisyal nga resibo ug invoice, gideny sa COA ang ilang appeal ug gimanduan ang Bise Presidente nga irestitute o ibalik ang kwarta sa publiko.
