CAGAYAN DE ORO CITY – Kumbinsido ang kanhi gobernador ug karon Misamis Oriental 2nd District Cong. Bambi Emano nga dili personal apan interes sa katawhang moangat sa kinabuhi ang katuyuan sa joint venture agreement nga gisudlan sa kompanyang A Brown ug kagamhanang probinsyal.
Kini human nakadawat sa pagbatikos si Misamis Oriental Provincial Gov. Peter Unabia gikan sa kanhi bise-gobernador nga si Joey Pelaez sa maong binilyong transaksyon.
Gibutyag ni Emano mas maayo nga gigamit ni Unabia ang kahigayunan nga mokita’g dakong pondo ang pipila sa provincial govt assets alang sa dugang kinitaan pabor sa katawhan.
Hisayrang kanhi magka-alyado si Emano ug Pelaez sa panahon nga managsama pa sila nga dagkong opisyal sa kapitolyo-probinsyal kaniadto.
