CAGAYAN DE ORO CITY – Gipadumdom ni re-elected Misamis Oriental 2nd District Cong. Bambi Emano ang iyang mga kauban ubos sa bando Padayon Pilipino ug Paglaum nga dili magpasagad sa ilang nakuha nga kadaugan sa 2025 midterm elections.
Kini tungod kay sobra ka mubo lang ang mga adlaw nga sila maka-trabaho taliwala nga gilangkuban sa tulo ka tuig ang ilang nahuptang termino.
Namahayag ang kongresista nga daghan kini’g mga pangutana kung nganong ubay-ubay sa ilang mga kauban ang naparot nga naglakip kang Provincial Gov. Peter Unabia ug anak duha ka anak niini nga midagan pagka-kongresista ug pagka-mayor sa distrito uno ning lalawigan.
Dugtong niini, gitisok ni Unabia sa pangutokan sa ilang mga nangdaug nga ka-partido nga dili himoon nga kasangkapan sa mga pag-abusar ang nahuptang katungdanan kay gi-suportahan sa katawhan sa lalawigan.
Hinoon,kini angayang hataga’g dakong bili alang sa pagtunol-serbisyo sa katawhan sa lalawigan.
Gihimo sa gobernadur ang pasidaan nunot sa pasalig niini nga magpabilin kini nga motimon sa mga ilang mga kaalyado sa politika sa probinsya.
Siya miingon nga susama kang Emano, mohimo usab sa pagrebyo sa katibuk-ang hitabo sa milabay’ng piliay diin gipildi ni kanhi Kongresista Juliette Uy sa subli nila panag-engkuwentro sa eleksyon ning tuiga.
