CAGAYAN DE ORO CITY – Dili pa kumbinsido ang partido Padayon Pilipino sa nabaniug nga alyansa ni City Mayor Rolando ‘Klarex’ Uy ug Cagayan de Oro 2nd District Cong. Rufus Rodriguez aron dominahon ang 2025 elections dakbayan.
Miingon si Misamis Oriental 2nd District Cong. Bambi Emano nga hangtod nga wala pa’y pinal nga line-up ang duruha, ma-konsiderar kini nga hilaw nga alyansa.
Gihimong pananglitan ni Emano ang sobra-sobra nga ihap sa mga personalidad nga gustong mahimong mga kandidato pagka-kagawad sa duha ka dagkong opisyal sa syudad.
Siya miingon nga imposibleng itugot ni Klarex ug Rufus nga magkompetensiya ug magtinagakay ang ilang mga kandidato pagka-konsehal sa duha ka distrito kon tinud-anay nga silyado na ang ilang alyansa.
Gikompirmar usab niini nga apil sa gipilian ni Cagayan de Oro 1st District Cong.Lordan Suan nga ibangga pagka-mayor kontra Klarex ang brother-in-law ni Pres Bongbong Marcos nga si Phividec administrator Atty Joseph Bernedo;kanhi City Mayor Oscar Moreno ug kanhi Phividec administrator Pompee La Viña.
Hisayrang may nagtoo na nga lig-ong alyansa ang gisudlan ni Klarex ug Rufus alayon sa piliay sa dakbayan sunod tuig.
