CAGAYAN DE ORO CITY – Wala balibari ug hinoon mapaubsanong gidawat ni Misamis Oriental 2nd District Cong. Bambi Emano ang tahas nga gisangon kaniya sa liderato kamara de representantes ubos sa timon ni Speaker Martin Romualdez sa 20th Congress.
Kini human siya ang kabahin na sa deputy speakers sa House of Representatives dihang gi-nominar ni House Majority Leader Sandro Marcos sa maong bag-ong tahas diin miani sa suporta sa mga kaubang magbabalaod sa unang adlaw sa ilang regular session sa kauluhan ning adlawa.
Alang sa ulitawong magbabalaod nga representasyon sa Misamis Oriental,bug-at ug dakong responsibilidad ang gisalig kaniya ni Romualdez apan gidawat niya ang hagit kay ikaayo man kini sa katawhang-Pilipinhon ug wala mag-limit sa kaliwat-Misamisnons gikan sa Mindanao.
Tahas ni Emano nga mag-presiding officer sa mga higayon sa sesyon nga adunay mga importanteng gimbuhaton ang House Speaker nga gawas sa kamarabaha.
Mohatag usab kini sa mga giya,rekomendasyon sa mga ipatuman nga mga palisya ingon man mga programa nga maghatag kaayuhan sa mga kaubang mga magbabalaod ug ang pagpasayon sa ipasar nga balaodnon diin apil ang tukion ug uyunan sa plenaryo.
Hisayrang sa 19th Congress, nagsilbing Mindanao Affairs committee chairman si Emano diin tipik sa ilang nahimo ang pagduaw sa kahimtang sa internal displaced persons sa Marawi City nga kanhi gi-atake sa mga terorista
