CAGAYAN DE ORO CITY – Uyon ug andam ihatag ni Cong. Bambi Emano ang iyang boto isip representasyon sa distrito dos sa Misamis Oriental sa balaodnon nga ibalik ang pagpahamtang sa silot kamatayon pinaagi sa firing squad batok sa mga kurakot nga opisyal ug mga trabahante sa gobierno.
Kini kon mahatagan sa higayon nga makaabot sa plenaryo sa kamarabaha ang balaodnon nga gisang-at ni Zamboanga City 1st District Cong. Khymer Olaso nga nagtumong pagpitol sa naghinobrang kurapsyon sa nasud.
Apan miingon si Emano gna angay konsultahon usab ang bando sa simbahan kay notado sila nga protector sa kabililhon sa matag-kinabuhi sa tawo.
Gihimo sa kongresista ang iyang baruganan paghuman sa iyang ikatulo nga paghatag report sa katawhan sa mga nahimo niyang trabaho sa kamarabaha ingon man mga proyekto’g social services nga nahatag sa taga-Misamis Oriental ug dinhi sa syudad.
Dumduman nga daghan ang nagyam-id kabahin sa kagustuhan ni Olaso sa gipasar niya nga balaodnon sa kamarabaha.
Hisayrang pinakaulahi nga napahamtang sa death penalty pinaagi sa lethal injection mao si Leo Echegaray tungod sa paglugos sa iyang anak-anak nga babaye tuig 1999.
