CAGAYAN DE ORO CITY – Nanumpa na atubangan ni Tignapoloan Punong Brgy Nancy Aban si Cagayan de Oro 1st District Rep.Rolando ‘Klarex’ Uy isip ika-13 nga elected mayor sa Amphitheater ning syudad ning adlawa.
Kini human siya ang midaug sa pagka-mayor batok sa iyang mga kaatbang sa gilusad nga May 9 elections sa dakbayan.
Gibutyag ni Dr Fred Dellava,media relations ni Uy nga sa dili pa ang pagpanumpa,panguluhan una ni Msgr Perceous Cabunoc ang santos nga misa mismo sa maong venue.
Miingon si Dellava nga limitado lamang ang mga giimbitar nga bisita tungod sa kagamay sa espasyo nga himuan sa pagpanumpa sa napiling mayor sa dakbayan.
Gilauman usab ang pagtambong sa mga konsehal nga ubos sa Kauban Ta Uy line up nga nangdaug sa milabay’ng piliay.
Samtang na-mintinar luwas ang seguridad sa mga tawong mitambong sa pagpanumpa ni Uy diha sa Divisoria sa syudad ning adlawa.
Gibutyag ni Dellava nga taud-taod na kining gipangandaman sa Cagayan de Oro City Police Office kuyog ang force multipliers.
