CAGAYAN DE ORO CITY – Gihimakak ni mayoralty candidate 1st District Rep Rolando ‘Klarex’ Uy ang pasangil nga nalambigit kini sa imoralidad kuyog ang pipila ka city ug brgy officials samtang atua’g kauluhan.
Kini human akusahi ni Kag Zaldy Ocon pinaagi sa iyang special report sa konseho nga mi-hire sa babaye ang kongresista ug gipapuli-pulihan sa pipila ka city councilors ug opisyales sa brgy.
Miingon si Klarex nga posibleng binuhatan ra ni Ocon ang iyang gisulti ug gipahid lamang sa laing mga tawo.
Una niini,gihagit ni Ocon ang liderato sa konseho nga mohimo’g imbestigasyon apan gikataw-an lamang kini ni City Vice Mayor Rainer ‘Kikang’ Uy sa dihang nasayran nga wala siya’y mga ebedensiya nga ika-presentar sa maong pasangil.
Samtang gi-edukar ni Cabanlas si Ocon nga imposible ang iyang gustong mahitabo nga mohimo’g imbestigasyon ang konseho kabahin sa gibulgar niini batok sa pagkatawo ni 1st District Rep Rolando ‘Klarex’ Uy.
Gibutyag ni Cabanlas nga klaro nga walay mga ebedensiya si Ocon ug daw igo lang nangisda aron kubiton ang iyang isyu.
Kini ang rason nga gilayong gisugyot sa abogado nga dili kini hataga’g bili kay wala usab kanila ang hurisdiksyon kon may imbestigasyon apan didto sa Kamarabaha.
