CAGAYAN DE ORO CITY – Gikasuhan ni Cagayan de Oro 1st District Rep Rolando ‘Klarex’ Uy si Kag Zaldy Ocon sa 20 ka counts sa cyberl libel sa city prosecutor’s office ning syudad kagahapon sa buntag.
Miingon si Kongresista Klarex nga gihimo niya ang pagkaso tungod sa grabeng pagpakaulaw ni Ocon sa ilang pamilya ug pagguba sa reputasyon niini dinhi sa syudad.
Namahayag ang kongresista nga hulaton na lamang niya ang maong konsehal nga mag-atubang sila sa korte.
Nagsumikad ang pagkaso ni Klarex kay giakusahan siya ni Ocon nga druglord ug anaa sa narcolist ni Pres Rodrigo Duterte sukad kini miduso sa iyang kandidatura pagka-mayor sa dakbayan sa 2022 elections.
Apan makapila usab kining giklaro sa Bombo Radyo ni Uy na wala siya sukad nalambigit sa bisan unsa nga ilegal nga kalihukan.
Gani,mismo pa ang PDEA-national ang mitin-aw nga wala sukad nalambigit si Klarex ug maglisod sila’g aksyon sa pasangil ni Ocon kay wala may record kabahin sa giakusar pinaagi sa kahanginan.
Una niini,gipaningkamutan sa Bombo Radyo nga makontak si Ocon apan lisod kining ma-kontak aron unta makahatag sa iyang panig kabahin sa lakang sa kongresista.
