Dugay nang dili uyon si Cagayan de Oro 2nd District Representative Rufus Rodriguez nga ibalhin ang P60 billion nga pondo sa PhilHealth padulong sa National Treasury.
Maninumduman nga sa miaging tuig, usa si Congressman Rodriguez nga nangusog ug mikuwestiyon sa maong pagbalhin kay kini nga salapi gikatakda alang sa pagpalapad sa coverage sa programa nga muhatag serbisyo sa mga kabus ug sa ilang benepisyaryo nga nagkinahanglan niini.
Nalipay si Rodriguez human napagawas sa Korte Suprema ang hukom nga sayop ang gihimo sa administrasyo ni Presidente Ferdinand Marcos Jr nga mitago sa binilyong salapi sa National Treasury.
