CAGAYAN DE ORO CITY-Supak si Cagayan de Oro 2nd District Rep Maxi Rodriguez Jr nga isibog pa ang brgy ug SK elections sa nasud sa Mayo 14 ning tuiga.
Kini bisan nga aprobado na sa ikaduhang pagbasa ang House Bill 7378 diin nagsibog sa eleksyon sa Oktubre 8 ning tuiga aron madungan sa himoong plebisito.
Dugang ni Rodriguez nga angayang mahatag kini nga higayon sa mga botante ug kandidato aron magbaton sa bag-ong mga opisyal ang kabarangayan sa nasud.
Samtang gitawag ni Rodriguez nga walay respeto ang milangkob sa international criminal court ngadto kang Presidente Rodrigo Duterte.
Kini ang gihimong pag-depensa ni Rodriguez kon nganong angay lamang nga isalikway ni Presidente Duterte ang ICC diin aktibo unta nga miembro ang Pilipinas.
Miingon si Rodriguez nga dakong insulto sa katawhan nga mosulti ang taga- ICC nga angayang magpaubos sa psychiatric test si Duterte tungod lamang sa pakig-giyera niini batok sa nagkuyanap nga droga sa nasud.
