CAGAYAN DE ORO CITY – Bisan si House committee on constitutional ammendments chairman Cagayan de Oro 2nd District Cong. Rufus Rodriguez ang mihatag sa iyang dakong pagtahod sa hukom sa korte suprema kabahin sa impeachment case batok VP Sara Duterte.
Miingon si Rodriguez nga isip usa usab ka abogado,dili angay biay-biayon ug atakehon ang maong institusyon gumikan lang kay wala makuha ang kagustuhang tuyo makab-ot sa isyu ni VP Sara.
Siya miingon nga mas pinaka-maayo nga hulaton gihapon ang hukom sa korte suprema sa gisang-at nga motion for reconsideration sa kamara de representantes batok sa petisyon ni Duterte nga una nang nahataga’g pabor rason gi-archive sa senado ang defective impeachment case nga iyang giatubang.
Bugtong si Rufus lang gikan sa Northern Mindanao ang kongresista nga wala mopirma sa impeachment case batok Sara dihang gi-transmit sa kamara sa senado niadtong Pebrero 5 ning tuiga.
Hisayrang si Rodriguez ang nagsilbing committee chairman sa constitutional ammendments sa kamarabaha sa milabay’ng 19th ug 20th Congress.
