Gipakita ni Cagayan de Oro City 2nd District Congressman Rufus Rodriguez ang flood control project nga nagkostar sa P415-milyon.
Sa milabay’ng adlaw, nangulo si Rufus sa pag-turnover sa flood control project sa Barangay Macasandig.
Ang proyekto, nga nailhan isip “Construction of Flood Control Structure at Cagayan de Oro River”.
Gidesinyo kini aron maprotektahan ang mga komunidad duol sa suba gikan sa kusog nga baha.
Ang proyekto mitugpa sa 371 metros, naglakip sa road component, ug gipondohan sulod sa tulo ka tuig.
Gipasabot ni Congressman Rodriguez nga magpadayon siya sa pagpangita og dugang pondo aron mapalambo ang mga imprastraktura nga makapanalipod sa mga pamilya ug makapalig-on sa disaster resilience sa Cagayan de Oro.
