CAGAYAN DE ORO CITY – Gipatigbabaw ni Cagayan de Oro 2nd District Cong. Rufus Rodriguez ang pagsilbing dugong Mindanaoan ug dili ang presyur ug diktar sa politika sa kasamtangang administrasyon sa nasud.
Kini ang rason nga mas gipili ni Rodriguez nga wala mo-endorso sa impeachment complaint batok kang Vice Pres Sara Duterte nga nakasang-at na sa senado.
Miingon ang iyang pag-umangkon nga si kanhi Nazareth Brgy Kapitan Jonjon Rodriguez nga wala gikabalaka sa iyang uyuan nga kongresista nga mo-resulta sa pagnihit sa pondo sa segundo distrito ang pagpabor niya kang VP Sara.
Una nang namahayag sa Bombo Radyo kaniadto si Cong. Rufus nga kon dili mahisubay sa ensaktong proseso ang impeachment, baruganan niini ang pag-depensa ug pagkuyog kang VP Sara nga iyang gikampanya sa miaging 2022 presidential elections sa Mindanao.
