CAGAYAN DE ORO CITY – Wala kapugngi ni Ilocos Norte 1st District Rep. Ferdinand Alexander Marcos kinsa usa sa mga anak-lalaki ni Pres Bongbong Marcos ang iyang pagbati kabahin sa gisulti ni Vice Pres Sara Duterte.
Kini human unang gibutyag sa bise-presidente nga mapugos siya pagkalot sa lubong ni late Pres. Ferdinand Marcos Sr sa lubanganan sa mga bayani ug ilabay sa dagat kon dili hunungan sa paggukod sa administrasyon.
Miingon ang batan-ong Marcos ga taas ang iyang respeto kang Inday Sara kay nagsilbi kining ikaduhang taas nga opisyal sa nasud.
Apan ang dili madawat niini nga gibaharan sila nga pamilya nga haw-ason ang mga bukog sa iyang lolo kay ilambayog sa West Philippine Sea.
Siya miingon nga wala niya magustuhi ang gipakita nga taras sa bise-presidente atubangan sa katawhan gamit ang maong isyu.
Bisan niini,gihinaut pa gihapon ni Sandro nga anaa sa maayong kahimtang sa panglawas si VP Sara.
Kini ilabina nga siya ang nagsunod nga pinakataas nga opisyal ni Pres Marcos sa nasud.
Una usab niini,mi-depensa si kanhi presidential legal counsel Atty Salvador Panelo nga dili angay sakyan ang gisulti ni VP Sara kay klaro kini nga ‘hyperbole’.
Nagkahulugan nga dakong imposible nga iyang buhaton apan may laing kahulugan o mensahe nga tuyo ipaabot batok sa mga milutos kaniya gamit ang isyu sa politika.
Hisayrang wala pa’y giluwatang pahayag si Pres Marcos sa gisulti ni VP Sara gawas kang Sen Imee Marcos nga wala mosakay sa maong isyu.
