CAGAYAN DE ORO CITY – Dili gusto ni Cagayan de Oro 1st District Congressman Lordan Suan nga mahugno ang pundasyon sa pamilyang Pilipinhon rason nga kusganon niyang gisupak ang kontrobersyal nga ‘absolute divorce bill’ nga lusot na sa pinal nga pagbasa sa kamarabaha sa miaging semana.
Kini bisan kon alyado sa liderato sa kamara si Suan apan mas mitigbabaw ang iyang kaugalingong baruganan pag-abot sa maong isyu.
Namahayag ang kongresista nga dili sulbad ang disborsyo apan mapangitaan sa laing mga paagi ang pagluwas sa kababayen-a nga biktima sa naghinobrang abuso sa pipila ka kalalakin-an nga midagmal o mibudhi sa ilang mga kaakuhan sa pamilya.
Sa pagpalabang sa balaodnon,126 ka kongresista ang pabor;109 ang supak ug y 20 lang ang nag-abstain.
Dugang ni Suan nga ang pagsilbing ‘devoted Catholics’ sa pamilyang Suan ang nagtukmod kaniya kon nganong apil siya sa 109 ka magbabalaod nga dakong supak sa absolute divorce bill.
Kini ang pagpasabot sa kongresista kon nganong dili siya makatugot nga mahimong legal ang diborsyo sa nasud.
Namahayag ang kongresista nga ikaulaw niini ug sa iyang pamilya anaa sila nag-alagad sa simbahan apan kabahin sa mokontra sa mga sakramento niini.
Hisayrang apil sa pito ka lig-ong sakarmento nga gipalig-on ug gi-depensa sa simbahan ang kaminyoon nga tuyo bungkagon sa pro-divorce lawmakers ug pipila ka grupo.
