CAGAYAN DE ORO CITY – Dakong supak si Cagayan de Oro 1st District Cong. Lordan Suan nga ibalik ang silot-kamatayon pinaagi sa firing squad sa nasud.
Kini aron magamit pagsilot sa mga kurakot nga elected government ug appointed officials sulod sa kagamhanan.
Miingon si Suan nga nasubay ang iyang baruganan sa Bibliya nga gidili ang pagpatay.
Maoy iyang sugyot nga pabug-atan pagmaayo ang ipahatamg nga silot sa pagka-priso sa mga makonbikto sa pagpangawat sa salaping minilyon sa katawhan hangtod mahurot ang nakawkaw niini.
Siya miingon nga dili daw ang aplikabol ang firing squad kay anaa na ang kalibutan sa modern nga panahon.
Dumduman nga unang namahayag ang alyado ni Suan nga si Misamis Oriental 2nd District Cong. Bambi Emano nga dako kining uyon sa maong balaodnon apan angay konsultahon usab ng taga-simbahan nga ilado nga kusog mobabag pag-abot sa isyu.
Hisayrang wala pa makalanog sa ilang baruganan sila Cagayan de Oro 2nd District Cong. Rufus Rodriguez ug Misamis Oriental 1st District Cong. Christian Unabia kabahin sa maong isyu.
