CAGAYAN DE ORO CITY – Gipili ni Cagayan de Oro 1st District Cong. Lordan Suan ang pagtunol pa sa serbisyo-publiko kaysa magpadala sa diktar sa presyur sa politika.
Kini ang kabahin sa depensa sa batan-ong kongresista kon nganong apil siya sa daghang mga magbabalaod nga gusto ipataral sa senado si Vice Pres Sara Duterte.
Miingon si Suan nga dili niya gusto nga madehado sa mga serbisyo ang iyang distrito ug aron kalikayan nga maputol ang hinabang gikan sa administrasyon,apil kini sa mipirma sa impeachment complaint batok kang Vice Pres Sara Duterte.
Una nang nangayo’g pasaylo si Suan sa mga radio interviews niini ngadto sa katawhan nga mibati sa grabeng kasuko ug kadismaya gumikan sa nakab-ot niya nga hukom sa maong isyu.
Si Suan ang su-od ni presidential son Ilocos Norte 1st District Cong. Sandro Marcos ug House Speaker Martin Romualdez rason gitoohan nga mas bug-at kaniya ang pag-uban sa administrasyon.
