CAGAYAN DE ORO CITY – Nagkawinitikay sa hait nga pulong sila 2nd District City Councilor Girlie Balaba ug Cagayan de Oro 1st District Cong. Lordan Suan sa pagtungha ni kanhi Pres Rodrigo Duterte sa quadcom hearing sa kamarabaha sa kauluhan sa miaging semana.
Kini human kabahin si Suan nga nangutana kang Duterte kabahin sa isyu sa war on drugs policy diin daghang kinabuhi sa mga sibilyan ang namatay gumikan niini.
Wala magustuhi ni Balaba ang pipila sa mga gilitok ni Suan hinungdang nag-post kini sa social media sa iyang pagkadismaya.
Kini tungod kay gialigar ni Balaba nga grabeng adto-adto ni Suan sa Davao City sa president pa si Duterte aron maisa lang ang iyang kamot sa miaging mga eleksyon sa dakbayan.
Apan tubag ni Suan nga wala kini sukad nagpa-endorso kang Duterte sukwahi sa gipamulong ni Balaba.
Siya miingon nga dako ang iyang pagtahod kang Duterte alkontra sa gipamugos ni Balaba.
Si Balaba ang ilado nga tigpaluyo kang Duterte sanglit gihatagan usab kini’g pag-endorso ug nakadaug pagka-konsehal sa miaging duha ka eleksyon sa dakbayan.
