CAGAYAN DE ORO CITY – Gikaguol ug gisayangan ang pamilya sa conjoined twins sa kamatayon sa doktor nga nag-opera kanila aron mabulag sa Hacienda Nalipao, Barangay Rizal, Silay City niadtong Agosto 2004.
Kini human nasayran sa kaluha nga si Carl ug Clarence Aguirre gikan sa ilang uyuan nga si Andy Aguirre nga kabahin si American Doctor James Goodrich sa Montefiore Medical Center sa New York nga namatay dihang natakbuyan sa Coronavirus disease sa Amerika.
Si Clarence ug Carl nga taga- Silay City,Negros Occidental ang natawo tuig 2002 ug gidala sa Amerika aron ipaubos sa operasyon sa pagpangulo ni Goodrich ug Dr David Staffenberg hinungdan nga 18 anyos nang nagdako ang mga bata.
Giila sa kaluha nga bayani si Goodrich hinungdan nga nasubo sila pag-ayo sa kamatayon niini.
