“Conscoius na ang mga tawo karon”. Kini ang gibutyag ni Bing Mabelin ang hepe sa City Lokal Environment and Natural Resources Office (CLERNO) human sa ilang assessment sa duha ka pilgrimage site sa Malasag Hills, sa Barangay Cugman ug sa Our Lady of Guadalupe Shrine sa Tablon, ning syudad.
Miingon si Mabelin nga gamay nalang nga basura ang ilang nahakot sa Miyerkules ug Huwebes Santo.
Apan dili gihapon malalis nga daghang mga polyethylene terephthalate o Pet Bottles ang ilang gakatigom.
Subli, nanawagan si Mabelin nga sa bisan asa nga paglaag, unta mahimong responsabli ang katawhan sa paglabog sa ilang hugaw sa designated nga basurahan.
Siya miingon nga adunay daghang klase sa basura ug ang importante masayran sa tawo kung asa ilabog ang malata, sa dili malata, ug sa mga basura nga pwede pa ma-recyle.
Mihangyo usab ang CLENRO sa katawhan nga mahimong disiplinado kay ang basura usa sa mga rason nga mag clog ang mga drainage cannals ug makamugna sa baha sa lokalidad.
