PC:Owner
CAGAYAN DE ORO CITY-Ginganlan na sa Bureau of Customs o BoC ang consignees nga nakuhaan sa balor 35 milyon pesos nga smuggled onions ug ukay-ukay sa 14 ka container vans sa Mindanao International Container Terminal o sa Tagoloan, Misamis Oriental sa miaging adlaw.
Gitumbok ni Customs District Collector Atty Jamail Marohomsalic ang maong mga kompanya nga tag-iya sa kontrabando ang Simbrah Agri Products Trading ug Don Madin Enterprise.
Dugang ni Marohomsalic nga gikompiskar ang mga kargamento kay wala gideklara’g tarong sa maong mga kompanya diin dayag nga kasupakan sa balaod.
Nasuta nga gikan sa China ug South Korea ang maong mga kontrabando nga midunggo sa MICT ning lalawigan.
