Nangayo og consistency ug long‑term solusyon ang abogadong si Atty. Goyo Larrazabal, senior partner sa Divina Law Office, ngadto sa gobyerno karong panahona nga nag‑atubang ang nasud sa krisis sa enerhiya ug pagsaka sa presyo sa petrolyo.
Matod ni Larrazabal, ang mga programa sa kagamhanan kinahanglan padayonon ug dili undangon dayon kon mahuman ang usa ka problema, sama sa kampanya sa paggamit sa bisikleta nga nihinay human sa pandemya.
Dugang pa niya, ang gobyerno angay maghimo og taas nga panan‑aw pinaagi sa napulo ka tuig nga plano aron makita ang epektibong resulta sa mga lakang sa transportasyon ug enerhiya.
Giingon usab sa abogado nga ang Pilipinas angay motan‑aw sa pamaagi sa ubang nasud nga adunay oil reserves aron makahimo og buffer stock alang sa panahon sa kakulang sa suplay ug pagsaka sa presyo.
Busa iyang gipasiugda nga pinaagi sa lig‑on, tuloy‑tuloy ug dugayng plano, mas mapanalipdan ang katawhan sa epekto sa nagpadayong krisis.
