CAGAYAN DE ORO CITY – Dunggon sa committee on constitutional ammendments sa Kongreso ang sintimiento sa katawhan sa Mindanao kabahin sa pag-usab sa batakang balaod sa nasud.
Kini human tinguhaa ni Pres Rodrigo Duterte nga hulipan ang unitary system padulong sa federal govt ang kasamtangang gobierno.
Miingon si Cagayan de Oro 2nd District Rep Rufus Rodriguez kinsa chairman sa maong komitiba nga himoon ang public consultation sa charter change sa USTP gymnasium sa Brgy Lapasan ning syudadsa adlaw’ng Biyernes sa buntag.
Una nang gitinguha sa taga-Mindanao ug Visayas ang maong sistema sa gobierno aron mas mapalambo ang ekonomiya niini ug makatupong na unsa ang Metro Manila ingon man Luzon area.
