Atubangon sa Pilipinas ang “contitutional crisis” kung dili ma-undang ang stand-off sa senado ug mga miyembro sa Kamarabaha.
Sa pakighinabi sa BOMBO RADYO, namahayag si Atty Jennifer Arlene Reyes, iladong constitution legal expert, nga dakung hagit sa legal ug politikal nga aspeto ang padayong “word war” sa duha ka kapunungan kundiin, nagpakita kini sa dili maayong estado sa lehislatura.
Hisayran nga ang desisyon sa Senado nga ibalik ang impeachment articles sa kamarabaha maoy ugat-hinungdan sa pagpulbo sa kalagot sa kapin 200 ka mga magbabalaod nga mipalagpot kang Vice President Sara Duterte sa iyang katungdanan niadtong Pebrero ning tuiga.
Mas mibaga pa ang lantugi human gilitok ni Senate President Francis Chiz Escudero nga dili musugot ang senado nga himoong itoy ni House Speaker Martin Romualdez.
Gumikan niini, daghan miyemrbo sa academe ang nagkastigo sa Senado kay dayag nilang gipakita sa katawhang Pilipino ang constitutional betrayal tungod sa padayong pag “delay” sa impeachment hearing sa bise presidente.
