CAGAYAN DE ORO CITY-Gipasuspenso una sa kompanyang Hydrovast Profees ang pagtrabaho sa gitukod nga water reservoir sa Sitio Tapurok,Brgy Malanang,Opol,Misamis Oriental.
Kini human nahugno ang gumikan sa kusog nga hangin diin usa ka trabahante ang namatay ug laing mga kauban ang nadala sa ospital kagahapon sa hapon.
Giila ang namatay’ng biktima nga si Mark Anthony Pacaldo,hingkod ang panuigon ug nagpuyo sa Initao,Misamis Oriental.
Miingon si Joel Baldelovar,vice president for operations and marketing nga gikasubo nila ang hitabo sa mga trabahante sa Jarale Construction.
Dugang ni Baldelovar nga ihatag nila ang tanang matabang sa kompanya sa mga biktima bisan dili nila kini mga empleyado.
