CAGAYAN DE ORO CITY-Desidido ang pamilya Degamon nga kasuhan sa “murder” ang construction worker nga midunggab patay sa ilang kabanay sa Mario Puting Bato, Brgy Indahag ning syudad.
Giila ang suspek nga si Harold Dapiro, 28 anyos, ulitawo ug kasamtangan nagpuyo sa balay sa mga Degamon. Gipamugos sa suspek nga nahinaykan niya’g patay ang biktima nga si Manuelito Degamon, 33 anyos, ulitawo, walay trabaho.
Tungod lamang sa sinabawan nga kalabasa nga dugay maluto nagbikil ang duruha. Pulos hubog ang duruha sa dihang mahitabo ang insidente.
Nadunggaban sa suspek ang biktima gamit ang taas nga kitchen knife sa ubos nga bahin sa iyang kasingkasing hinungdan nga daling nakabsan sa kinabuhi.
Dugtong niini, ipasaka ni Ceasar Degamon kinsa ang igsoon sa biktima ang kasong homicide batok sa suspek ning adlawa.
Una niini, ang suspek maoy nag-atiman sa bedridden nga amahan sa pamilya Degamon.
