CAGAYAN DE ORO CITY-Blangko pa ang mga otoridad kon kinsa ang responsable sa pagpatay sa usa batan-on sa Zone-1, Brgy Kauswagan ning syudad.
Giila sa Carmen Police Station ang biktima nga si Aldrin Oberio, 20, nga residente P-9, San Miguel Maramag, Bukidnon.
Gibutyag sa kaila sa biktima nga wala nila mabantayi kon kinsa ang midunggab sa ilang kauban human pulos sila lango sa ilimnong makahubog.
Ulahi na nilang nasayran nga naligo na sa dugo ang biktima.
Daling gidala sa Oro Rescue ang biktima sa ospital apan pipila ka oras ang milabay nabugtuan kini sa iyang kinabuhi.
