CAGAYAN DE ORO CITY-Nakasuhan sa rape ang construction worker nga milugos sa 20 anyos nga dalaga sulod sa comfort room sa Beat Club diha sa Hayes-Tiano Streets ning syudad sa miaging kadlawon.
Miingon si Sr/Insp Glenn Abalde,hepe sa Divisoria Police Station nga tiwason nila ang paghikay sa kaso batok suspek sa piskalya sa syudad ning adlawa.
Una nang nasikop ang 22 anyos nga si Junrey Valdhueza nga taga- Zamboanga del Sur dihang akto nasapon nga nakighilawas sa biktima nga sobra kahubog sulod sa pansayan.
Samtang nagsumpaki ang pahayag sa bar bouncer ug construction worker sa isyu kabahin sa pagka-lugos sa 20 anyos nga babayeng customer sulod sa Beat Club diha sa Tiano-Hayes Streets sa syudad.
Kini human namugos si Valdhueza nga igo lamang niya gitabangan ang biktima maka-CR tungod sa sobrang kahubog.
Namugos ang suspek nga imposible nga mahimo niya ang paglugos sa biktima kay daghang tawo ang sulod-gawas sa CR.
Apan gipatud-an usab sa bouncer nga gitago ang pangalan nga akto niya nasapon si Valdhueza nga nakapasulod sa iyang kinatawo ngadto sa biktima.
Kini ang hinungdan nga gidali niya pagbunlot ang suspek aron masikop sa kapolisan.
