CAGAYAN DE ORO CITY-Walay nakitang foul play ang kapolisan sa patay’ng lawas sa usa ka construction worker sulod sa iyang girentahang lawak sa Western Kulambog,Brgy Lapasan ning syudad kagahapon sa hapon.
Gibutyag ni SPO1 Francis Fortunado,imbestigador sa Agora Police Station nga wala sila’y nakitang bun-og o sinyales nga gipatay ang biktima nga si Renato Patindol Jr, 42 anyos,ulitawo ug molopyo sa Valencia City,Bukidnon.
Una niini,gibutyag sa tag-iya sa boarding house nga si Morita Bajarla nga usa sa higala sa biktima ang naka-diskobre sa kamatayon niini.
Gihimakak usab ni Bajarla ang report nga naghambin sa depresyon ug delikadong sakit ang biktima tungod kay nakita man nila kining malipayon ug kugihan sa trabaho.
