CAGAYAN DE ORO CITY – Nakasuhan na sa 2-counts of rape ang construction worker nga giingong milumpong paglugos sa magsoong menor edad nag-edad 5 ug 9 anyos sa usa sa mga brgy ning syudad.
Giila ni Cogon Police Station commander Maj Julius Saluta ang suspek nga si Efren Estrada,37 anyos nga lumad taga-Zamboanga.
Gibutyag ni Saluta nga gilayon nila gidakop ang suspek sa dihang positibo ang medico legal sa mga biktima diin nasamad ug nag-‘nana’ na ang mga pribadong parti sa ilang lawas tungod sa binuhatan sa ilang ‘ama-ama.
Samtang giangkon usab sa suspek ang paglugos sa mga biktima.
Apan namugos kini nga kamot lamang iyang gigamit sukwahi sa pasangil nga gigamitan niya kini sa iyang kinatawo.
Mi-tug-an usab ang suspek sa Bombo Radyo nga duna siyang gihambin nga suliran sa panglawas nga dili niya mahatag sa mismong kapuyo niini.
