CAGAYAN DE ORO CITY – Gipaubos na sa isolation ang 16 ka sakop sa pamilya sa namatay’ng pasyente gumikan sa COVID-19 diha sa Sitio Pinikian,Brgy Camaman-an ning syudad.
Miingon si City Mayor Oscar Moreno nga maoy iyang gikabalak-an kon asa nakuha sa pasyente ang bayrus ilabina nga wala kini travel history.
Una nang gihingusgan ug gipalapdan sa syudad ang contact tracing sa mga kasilinganan ug uban pang mga tawo nga nakauban sa namatay’ng pasyente sa miaging semana.
Dismayado usab si Moreno nga nasudlan na sa positibong kaso sa coronavirus disease o COVID-19 ang dakbayan.
Kini bisan sa kahugot sa health security protocols maproteksyonan lamang ang katawhan sa syudad.Miingon si Moreno nga mass testing lamang ang iyang nakita nga long term solution aron mabatukan ang COVID-19.
Dugang sa mayor nga may himoon siya nga re-grouping ug laing istratehiya aron mapugngan ang pagkuyanap sa bayrus.
Samtang itugyan na lamang ni Camaman-an Brgy Kapitan Pedro Arda kang Moreno ang hukom kon ipaubos sa lockdown sa Sitio Pinikitan o tibuok Brgy Camaman-an ning syudad.
Kini human kompirmadong positibo sa COVID-19 ang namatay nga tigulang nga residente sa maong lugar.Gibutyag ni Arda nga hugot niyang gipamonitor ang katawhan sa maong sitio.
