CAGAYAN DE ORO CITY-Nagtoo ang kampo ni Cagayan de Oro 1st District Rep Rolando ‘Klarex’ Uy nga dili molampos ang election protest ni kanhi Kag Candy Darimbang sa House of Representatives Electoral Tribunal o HRET.
Kini human gisugdan na ang sa HRET ang retrieval sa 206 ka ballot boxes nga gi-protestahan ni Darimbang sa miaging 2016 elections ning syudad.
Namahayag ang abogado ni Uy nga si Atty Angie Carrasco-Ceneso nga taas pa ang panahon aron sila makasang-at sa ilang petisyon aron kontrahon ang mga lakang ni Darimbang.
Una nang nagtoo si Darimbang nga adunay tinunto sa resulta hinungdan mipasaka sila’g election protest batok Uy.
