Gidudahan ni Atty Kristina Conti, Assistant to Counsel sa International Criminal Court (ICC), ang gipahungaw nga impormasyon sa kampo ni kanhi Presidente Rodrigo Duterte kalabot sa iyang balatian.
Sa pakighinabi sa Bombo Radyo miingon si Conti nga posibleng ga drama lang ang kanhi presidente aron makalikay kini sa iyang obligasyon sa korte.
Unang napagula sa report nga bungaw na ang 80 anyos nga akusado ug hinay na ang iyang linihukan.
Gipasabot sa abogado nga drama lang ang gipakita sa kampo ni Duterte aron makalikay sa hustisya.
Giingon ni Conti nga dili matuod nga “powerless” si Duterte tungod kay mayor siya sa Davao City ug ang iyang anak nga si Sara Duterte kay Bise Presidente, nga nagpadayon sa ilang political influence.
Ang hearing sa ICC nga gitakda unta sa Setyembre 23, 2025, apan gipostpone human sa hangyo sa depensa nga dili na siya angay litisan tungod sa kuno “deteriorating cognitive condition”.
Apan gi-kontra kini sa ICC prosecutors, nga miingon nga walay igong ebidensya ug posibleng makahatag pa og risgo sa obstruction kung palay-an si Duterte.
Si Conti mibutyag nga ang mga biktima sa drug war padayong nahadlok tungod sa impluwensya sa pamilya Duterte ug sa posibilidad nga balusan sila.
Ang ICC nagtan-aw sa posibilidad nga si Duterte nakasala sa crimes against humanity tungod sa kapin 6,000 nga napatay sa anti-drug campaign.
.
