CAGAYAN DE ORO CITY-Gihimakak sa contractor sa Wing-an Construction and Development Corporation nga may kalabutan kini sa kamatayon ni USTP president Dr Ricardo Rotoras ning syudad.
Kini bisan nga giangkon ni Engr Selwyn Lao kinsa presidente sa maong kompanya nga lawom ang ilang panagbikil ni Rotoras sa katukuran sa student center sa USTP ning syudad.
Miingon si Lao nga dugay na kining wala makabalik sa syudad sukad nga na-terminate ang ilang kontrata sa USTP.
Una niini, giila sa PNP ug NBI-10 nga person of interest si Architect Rey Galua kinsa kanhi kauban ni Rotoras sa USTP ug kaila usab ni Lao.
Samtang nag-interes karon ang Special Investigation Task Group o SITG-Rotoras nga ma-imbestigaran si Engr Lao kinsa gikabangi ni Rotoras.
Kini nunot sa kontrobersyal nga katukuran sa 200 milyon pesos nga balor sa USTP student center nga nahunong tungod sa giingong isyu sa suburno.
Miingon si SITG-Rotoras spokesperson C/Insp Mardi Hortillosa nga hulaton nila ang lakang ni City Police Director Sr/Supt Roy Bahian kabahin sa bag-ong impormasyon kabahin sa kontrobersyal nga kamatayon ni Rotoras.
Una nang nagpagawas sa press release ang USTP community diin kusganon nila nga gihimakak ang tanang pasangil ni Lao batok kang Rotoras.
