CAGAYAN DE ORO CITY – Naka-andam na ang pagpabarog sa mga imprastraktura sa Marawi City. Kabahin kini sa rehabilitation efforts sa gobyerno human hinay hinay nang gipasulod sa main battle area ang mga namuyo sa maong dapit.
Hinoon, gitin-aw ni Task Force Bangon Marawi chairman Sec Eduardo del Rosario nga ilusad nila sa makadaghang “phase” ang pagpasulod sa mga katawhan sa mostly affected areas kon MAA tungod kay daghan pang mga dagkong debris sa mga naguba nga gambalay ang padayong gihimuan sa clearing operation.
Target sa task force sa dili pa matapos ang termino ni Pres Rodrigo Duterte nga makapatukod silag mga tulay, convention centers ug public markets aron mabalik sa normal ang kinabuhi sa mga naapektuhang residente sa gikonsiderar nga Islamic City.
