CAGAYAN DE ORO CITY – Gikalipay ni Justice Secretary Jesus Crispin Remulla ang paborabli nga pag-rebyo ug pagpabor sa Korte Suprema ngadto sa regional trial court conviction kang Australian national Peter Scully ingon man sa iyang kaubang Pinay nga si Carme Ann Alvarez nga nadakpan dinhi sa Northern Mindanao.
Kini human gipalig-on pa sa korte suprema ang hukom sa korte sa tuig 2018 batok kang Scully kinsa giila nga usa sa pinaka-notoryus nga pedopilya sa kalibutan kuyog si Alvarez.
Sa 21 ka pahina nga hukom sa korte suprema nga natibawas niadtong Nobyembre 2024,gipakusog pa niini ang pag-konbikto sa duruha sa kasong qualified trafficking in persons diin nagsumikad ang pagbilanggo sa tibuok kinabuhi ug multa 5 milyones pesos kada-usa.
Dumduman nga si Scully pinangita sa International Police tungod sa daghan niya nga atraso sa Australia hinungdang misulod sa Pilipinas diin naghimo na usab sa dugang mangilngig nga mga kremin.
Tipik sa iyang mga biktima ang pipila ka babayeng menor de edad sa Sugirao Province ug dinhi sa Northern Mindanao diin siya nahukman nga sad-an sa korte sa tuig 2018.
