CAGAYAN DE ORO CITY (update) – Gitratar ni PDEA regional director Willkins Villanueva nga kadaugan sa war of drugs ni Pres Rodrigo Duterte ang pagka-konbikto sa kanhi brgy kapitan sa kasong ilegal drugs diha sa Barangay Poblacion Lagonglong, Misamis Oriental.
Kini human konbiktuha ni RTC Branch 25 Presiding Judge Arthur Abudiente si kanhi Barangay Capitan Honiforte Ladaran Redondo Jr ug gimando ang pagka-priso sa tibuok kinabuhi.
Miingon si Villanueva nga unta maghatag kini’g leksyon sa ubang govt officials ug indibidwal nga likayan na ang pagpayuhot sa ilegal nga droga aron dili maguba ang ilang pagkatawo ug kaugmaon sa ilang mga pamilya.
Gipamulta usab ni Abudiente si Redondo sa P400,000 pesos tungod sa droga nga nakuha gikan kaniya nga balor sa P136,000 kaniadto.
