CAGAYAN DE ORO CITY – Patay nang nahidangat sa ospital ang empleyado sa kooperatiba dihang nag-overshoot ang gimanehong motorsiklo sa kurbadang bahin sa Orchard Road memorial park sa Brgy Laguitas, Malaybalay City Bukidnon.
Gibutyag ni Lt Col. Jerry Tambis, hepe sa Malaybalay City Police Station nga gikan sa Valencia city ang driver sa motor nga si Christopher Badilla, 35-anyos, minyo ug taga Brgy 7 Malaybalay City,Bukidnon kinsa empleyado sa Oro Integrated Cooperative.
Base sa report, padulong sa syudad sa Malaybalay ang biktima apan pag abot sa area sa Laguitas kalit kini naaksidente diin mibangga ang iyang ulo sa steel barrier.
Dakong samad sa ulo ang naangkon sa biktima hinungdan sa iyang hinanaling kamatayon.
