CAGAYAN DE ORO CITY – Gipaubos sa counter-intelligence monitoring sa Police Regional Office 10 ang ilang senior officers nga unang miduso’g courtesy resignation ngadto kang Pres Bongbong Marcos.
Gibutyag ni PRO 10 regional director Brig. Gen Lawrence Coop nga tuyo niini nga masuta kon wala ba mohimo’g mga lakang nga kontra gobierno ang maong PNP 3rd level officers nga naglakip mismo sa iyang kaugalingon.
Giangkon sa heneral nga miani’g lain-lain nga personal nga reaksyon gikan kanila ang maong kamanduan sa PNP ug DILG gumikan sa tuyo nga limpyuhan ang ilang imahen sa kalambigitan sa ilegal nag droga.
Una niini,duha ka heneral ug 17 ka police colonels sa rehiyon ang naghulat nga hukman sa 5-man panel kabahin sa giatubang nga isyu sa PNP sa nasud.Samtang nanganti si Coop nga dugang ‘police scalawags’ ang pangsipaon niya sa trabaho samtang kini pa ang mangulo dinhi sa rehiyon.
Kini human kompirmaha sa heneral nga laing upat ka non-commission police members ang ubos sa dismissal deliberation ang mga kaso tungod sa nagkadaiyang policy offense sulod sa ilang hanay.
Miingon si Coop nga naglakip na niini kadtong police officer nga nadakpan sa joint PDEA 10-PNP operations nga namaligya’g ilegal nga droga sa Gingoog City sa miaging Oktubre 2022.
Sukad gisugdan ang internal cleansing sa PNP 10,daghang mga pulis na ang nangapapha sa ilang trabaho ug may mga kasong kriminal pa sa korte.
